സെന്റ് ജോസഫ്സ് ഇടവക കരിയാത്തുംപാറ

കുടിയേറ്റത്തിന്റെ പ്രാരംഭഘട്ടത്തിൽ കരിയാത്തും പാറ പ്രദേശം നിബിഡവനമായിരുന്നു. ഈ പ്രദേശത്ത് 1943 മുതൽ ജനവാസം തുടങ്ങിയിരുന്നെങ്കിലും 1956 ൽ കുടിയിറക്കപ്പെട്ടവർക്ക് പുനരധിവാസം നൽകിക്കൊണ്ടുള്ള തലശ്ശേരി കോടതിവിധിക്ക് ശേഷമാണ് കരിയാത്തുംപാറ കുടിയേറ്റ കോളനിയായി മാറിയത്. കക്കയത്ത് കുറ്റ്യാടി വൈദ്യുതപദ്ധതി ആരംഭിക്കുകയും 1963 ൽ ടാർ റോഡും പുഴയ്ക്ക് പാലവും പണിതതോടു കൂടി ഈ പ്രദേശം അക്കാലത്തേക്കാൾ മികച്ച സൗകര്യങ്ങൾ ഉള്ള മലബാർ കുടിയേറ്റ കോളനിയായി മാറി. പാലാ രൂപതയിലെ കുറവിലങ്ങാട്, കടനാട്, കാട്ടാമ്പാക്ക്, കോതനല്ലൂർ, കടപ്ലാമറ്റം, മരങ്ങാട്ടുപള്ളി തുടങ്ങിയ ഇടവകകളിൽ നിന്നു വന്നവരായിരുന്നു ഇവിടുത്തെ കുടിയേറ്റ കർഷകർ. 1946 ൽ കല്ലാനോട് ഇടവക സ്ഥാപിക്കുകയും കരിയാത്തുംപാറ പ്രദേശത്ത് താമസമാക്കിയവർ ആ ഇടവകയിൽ അംഗങ്ങളാവുകയും ചെയ്തു. അങ്ങനെ കരിയാത്തുംപാറ നിവാസികൾ 3 കി.മീ. നടന്ന് കല്ലാനോട് സെന്റ് മേരീസ് ദൈവാലയത്തിൽ പോയി കുർബാനയിലും മറ്റ് തിരുക്കർമ്മങ്ങളിലും പങ്കെടുത്തിരുന്നു.  

ഇടവക ഒറ്റനോട്ടത്തിൽ  

പള്ളി ആരംഭിച്ച വർഷം  - 1978

ഇടവക സ്ഥാപിച്ച വർഷം  - 1985

കത്തോലിക്ക കുടുംബങ്ങൾ  -204

കത്തോലിക്ക അംഗങ്ങൾ  -810

ദൈവവിളികൾ  - വൈദികർ -5

- സിസ്റ്റേഴ്സ്   -10

സന്ന്യാസഭവനങ്ങൾ  

എസ്.എച്ച്. കോൺവെന്റ്  

സ്ഥാപനങ്ങൾ    

നേഴ്സറി സ്കൂൾ  

താമരശ്ശേരിയിൽ നിന്ന്  ഇടവകയിലേക്കുള്ള ദൂരം  

25 km