Parish History

സെന്റ് സെബാസ്റ്റ്യൻസ് ചർച്ച് മുത്തപ്പൻപുഴ

കോഴിക്കോട് ജില്ലയുടെ കിഴക്കൻ മലയോര പ്രദേശമായ മുത്തപ്പൻപുഴ ഇടവക 1962 ലാണ് കുടിയേറ്റം ആരംഭിച്ചത്. തൊടുപുഴ താലൂക്കിൽ നിന്ന് പടിഞ്ഞാറേകുറ്റ് അബ്രഹാം, ചൂരത്തൊട്ടി ആഗസ്തി, ചൂരത്തൊട്ടി ജോസ് എന്നിവരാണ് ആദ്യ കുടിയേറ്റക്കാർ. തുടർന്ന് കൂടുതൽ ആളുകൾ ഈ പ്രദേശത്ത് കുടിയേറി തുടങ്ങി.

1973 ഡിസംബർ 2-ആം തീയതി കുരിശ് സ്ഥാപിച്ച് ബഹു. മുതിരചിന്തിയച്ചൻ ആശിർവദിച്ചു.

1974 ഡിസംബർ 25 -)0 തിയ്യതി നാലുമണിക്ക് ബഹു. അഗസ്റ്റിൻ മണക്കാട്ടുമറ്റത്തിലച്ചൻ ആദ്യമായി ഇവിടെ ബലിയർപ്പിച്ചു.

ആനക്കാപൊയിൽ പള്ളിയുടെ കുദാശ കർമ്മം നടന്ന അന്നുതന്നെ മുത്തപ്പൻപുഴ പള്ളിയുടെ ആശിർവ്വാദകർമ്മം അഭിവന്ദ്യ മാർ സെബാസ്റ്റ്യൻ വള്ളോപിള്ളി പിതാവ് നിർവഹിച്ചു. എല്ലാ ശനിയാഴ്ചയും വൈകുന്നേരം 4 മണിക്ക് ഇവിടെ കുർബാന ചൊല്ലുവാൻ അംഗീകാരം നൽകി. 1979 ഫെബ്രുവരി 23-ന് മുത്തപ്പൻപുഴ പള്ളിയിൽ വി. സെബാസ്റ്റ്യനോസിന്റെ തിരുന്നാൾ സമുചിതമായി ആഘോഷിച്ചു.

1983ൽ മുത്തപ്പൻപുഴയിൽ ഒരു എൽ. പി സ്കൂൾ ആരംഭിച്ചു. അന്നത്തെ ആനക്കാപൊയിൽ പള്ളി വികാരിയായിരുന്ന ബഹു. ജോസഫ് വീട്ടിയാങ്കൽ സ്കൂൾ കെട്ടിടത്തിനു ശിലസ്ഥാപനം നടത്തി. തുടർന്ന് ബഹു. മാത്യു തേക്കുംചേരിക്കുന്നേലച്ചൻ ആ നക്കാംപൊയിൽ വികാരിയായി. ഈ കാലത്താണ് സ്കൂൾ കെട്ടിടനിർമാണം പൂർത്തിയായത്.



ബഹു. സെബാസ്റ്റ്യൻ എബ്രയിലച്ചന്റെ കാലത്ത് മുത്തപ്പൻപുഴ പള്ളിയോട് ചേർന്ന് പള്ളിമുറി നിർമിച്ചു. അഭിവന്ദ്യ സെബാസ്റ്റ്യൻ മങ്കുഴിക്കരി പിതാവ് പള്ളിമുറി വെഞ്ചരിച്ചു.

1990 ൽ മുത്തപ്പൻപുഴ ഇടവകയായി ഉയർത്തുകയും ഫാ. തോമസ് കല്ലിടുക്കിൽ സി എസ് ടി യെ പ്രഥമ വികാരിയായി നിയമിക്കുകയും ചെയ്തു. ബഹു കല്ലിടുക്കിൽ അച്ഛന്റെ കാലത്ത് നസ്രത്ത് സിസ്റ്റേഴ്സിന്റെ കോൺവെൻറ് സ്ഥാപിത മായത്.

1997 മാർച്ച്‌ 9 ന് പുതിയ പള്ളിക്ക്‌ അഭിവന്ദ്യ മാർ പോൾ ചിറ്റിലപിള്ളി പിതാവ് തറക്കല്ലിടുകയും 1998 ഫെബ്രുവരി 13 ന് കൂദാശകർമ്മം നിർവഹിക്കുകയും ചെയ്തു. ഫാ. ജോർജ് തോട്ടകരയുടെ കാലത്താണ് പള്ളി പണി തുടങ്ങിയതും പൂർത്തിയായതും.

ഫാ. ഡോമിനിക് മുട്ടത്തുകൂടിയുടെ നേതൃത്വത്തിൽ ഈ പ്രദേശത്തിന്റെ അദ്ധ്യാമികവും ഭൗതികവുമായ വളർച്ചക്കുവേണ്ടി ഇടവകാംഗങ്ങൾ ഒറ്റകെട്ടായി പ്രവർത്തിക്കുന്നു.